موسوعة أكلات صيامى بالصور

[مصريه واصف]

موسوعة أكلات صيامى بالصور .

سلطة القرنبيط



المقادير

ثمرة قرنبيط صغيرة
2 حزمة بقدونس
6 فصوص توم
جزرة صفراء كبيرة
ثمرة فلفل رومى
قليل من الملح
1 ملعقه صغيرة كمون ناعم
1/4 معلقه صغيرة شطة
1 ليمونه
2 معلقة طحينه

الطريقة

تنظف القرنبيطه و تقشر العيدان و تسلق فى ماء مغلى بالملح و الكمون
يصفى القرنبيط من الماء جيدا ثم يهرس
يضاف أليه الملح و الكمون و الشطه و الثوم المدقوق و البقدونس المفرى ( او مقطع قطع صغيره )
اضافة عصير الليمون و بشر الجزرة و بشر الفلفل الرومى
يتم عمل الطحينه و أضافتها للخليط السابق و تقليب الخليط
يغرف فى طبق و يقدم باردا



كفتة البطاطس




المكونات :

بطاطس مسلوقة ومقشرة "كيلو تقريبا"
بقسماط
دقيق
ملح وفلفل ابيض

مكونات الحشو :

صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم

الطريقة :

يهرس البطاطس جيداً، ثم يضاف إليه القليل من الملح والفلفل والدقيق، ويخلط .
يحمص الصنوبر او المكسرات بقليل من زيت الزيتون، ويضاف البصل ويقلب .
يضاف الزبيب والقليل من البقدونس والشبت، ويقلب .
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت .
يمكن ان تقدم مع خضار سوتيه او مكرونة او ارز .



صلصة الريحان



المقادير :


-حوالي 2 كبايه اوراق ريحان ( تباع فى السوبر ماركت )
-تلت ( 3/1 ) كبايه عين جمل مكسر أو صنوبر او سودانى
( رأيي الشخصى الصنوبر بتطلع احلي من عين الجمل )
-3 أو اربع فصوص توم
-نصف كبايه زيت زيتون
- لو فطارى نصف كباية جبنه رومى مبشوره

الطريقة

حطى ورق الريحان فى الخلاط شويه شويه ( يعنى مش كل المقدار مره واحده ) .. و اضربيهم لغاية ما يبانلهم صاحب
( هنا لو فطارى تحطى الجبنه و تضربي تانى )
حطى التوم و المكسرات و استمري فى الضرب
من غير ما تطفى الخلاط ابتدى حطى الزيت ببطء
شوية ملح لو تحبي
اضربي كله الى ان يصبح مثل الكريمة


ده بقي خطير مع مكرونه مسلوقه !

أو يتدهن بيه عيش و يتسخن تحت griller و بعدين تحطى فوقيه طماطم متقطعه صغير و بصل احمر و يرجع تحت الgriller تانى بسرعه يادوب الطماطم تسخن شويه بس .

ممكن يتشال في برطمان فى التلاجه بشرط يتغطى سطحه بشوية زيت و يتقفل كويس .
ممكن كمان يتجمد فالفريز فى البتاعه البلاستك بتاعة مكعبات التلج دى . بس لو عاملينه فطارى و عايزين تجمدوه ما تحطوش الجبنه فيه . لما تطلعيه و تيجى تستعمليه ابقي حطيله الجبنه بعد ما يسيح .


لازانيا بالخضار



دى بقي انا شخصيا احبها اكتر من النوع اللي باللحمه حتى و احنا فاطرين . بس معلش مفيش معايير بالظبط يعنى لانى باطبخها بالبركه .

المقادير
شرايح لازانيا
برطمان الريحان اللي عملناه من شوية
زيتون مفروم . بس مش ضرورى للوصفه و ممكن تحطوا زتون صاحى لو تحبوا .
صوص مكرونه عادى . كتروا منه و ماتعملهوش تخين اوى .. خليه خفيف شويه .
طماطم متقطعه شرايح

الخضار :

ممكن تستعملوا اى خضار تحبوه : بسله، جزر، بروكلى متقطع صغير، فلفل اخضر ( متقطع حلقات ) ، كوسه متقطعه شرايح، بطاطا ( متقطعه شرايح رفيعه ) ، قرع ( يتقطع شرايح رفيعه ) ، ماشروم ( متشوح خفيف فى زيت و توم ) ، باذنجان ( اما مقلي او مدهون بزيت و يتسوى فالفرن شويه قبل ما يتحط فاللازانيا ) ، سبانخ ( تتسقط فىمية بتغلى دقيقه و تتشال .. تتصفى و ممكن تتفرم او تتحط بورقها صاحى )

انا شخصيا باحب اعملها بالباذنجان و الماشروم و الكوسه و القرع .


الطريقه :

+ شوية من الصلصه تتحط فى قعر الصينيه و فوقيها شريحة لازانيا
+ تتدهن شريحة اللازانيا بشوية صلصة ريحان
+ حطى نوع من انواع الخضار اللي هتستعمليها و رشي شوية فلفل اسود
+ شريحه تانى لازانيا و تتدهن بالزيتون المفروم لو هتستعمليه .. اوتتدهن ريحان تانى .
+ نوع خضار آخر و هكذا لغاية ما آخر طبقه تكون شريحة لازانيا .
+ لو هتستعملى القرع او بطاطا حطى مع الطبقه دى شوية صلصه .
+ الطبقه الأخيره حطى عليها حلة الصوص كلها . فوق الصلصه وزعى شرايح الطماطم و رشي عليهم فلفل اسود .
+ لو تحبى ممكن تحطى ورقة ريحان فوق كل طماطمايه . بس لازم تحطى زيت زيتون فوق البازيل .
تتخبز فى الفرن على حوالى 200 درجه لمدة نص ساعه تقريبا .


فطاير مقلية محشية سمك




المقادير :

العجين :

1 كوب دقيق
2/1 كوب نشا
1 ملعقة صغيرة ملح
1 ملعقة كبيرة زيت
4/3 كوب ماء

الحشو :
1 ملعقة كبيرة زيت
1 بصل مفروم
ملح و فلفل
1 ملعقة صغيرة كمون
1 ملعقة صغيرة كزبرة
1 ملعقة صغيرة شطة ( حسب الرغبة )
1 ملعقة كبيرة بقدونس مفروم
1 ملعقة كبيرة ريحان مفروم
1 سمك فيليه
زيت للقلي

الطريقة :

- يُخلط الدقيق مع النشا ، الملح و يُقلب جيدا .
- يُضاف الزيت للخليط مع العجن .
- يُضاف الماء تدريجياً للعجين مع الاستمرار في العجن حتي يُصبح عجين متجانس .
- يُترك العجين ليرتاح ثم يُفرد علي سطح أملس مرشوش بالدقيق .
- يُسخن زيت في مقلاة علي النار ثم يُضاف البصل و يُتبل بالملح و الفلفل و الكمون ، الكزبرة .
- يُقطع السمك إلي شرائح بالطول ثم يُضاف للخليط مع إضافة البقدونس ، الريحان و يُقلب .
- يُرفع ثم يُترك ليبرد ثم يُستخدم في الحشو .
- يُقطع العجين علي هيئة دوائر أو حسب الرغبة ، يُدهن بالبيض ثم يُوضع الحشو و تُلف .
- تُقلي الفطائر في الزيت الغزير الساخن حتي تُصبح ذهبية اللون .
- تُرفع علي ورق نشاف لامتصاص الزيت الزائد ثم تُقدم ساخنة .


بالهنا و الشفا .

[منى عياد عطية]

مشكورين جداَجداَ وانا بحب الموقع لانة متجدد دائماَ ولكن كنت عايزة لوسمحت افكار اكلات صيامى جديدة

[Nerooo]

بجد تسلم ايدك يا مصرية اكلات لذيذة اووى وبسيطة

[ملاك الرحمه]

حبيت الأكلات عجيبه وبالصور أكيد ألذ

[مصريه واصف]

بشكركم على مروركم العزيز