facebook
twitter
youtube
قصة الانبا بولا (مسرح عرائس)


النتائج 1 إلى 2 من 2

الموضوع: قصة الانبا بولا (مسرح عرائس)

  1. #1
    مشـرفـة ســابقــا
    الصورة الرمزية Ặmϊrặ єl cởmєdiặ

    تاريخ التسجيل
    19-09-2009
    الدولة
    ام الدنيا
    المشاركات
    6,041

    Manqool قصة الانبا بولا (مسرح عرائس)

    قصة الأنبا بولا
    (مسرح عرائس)
    ++++++++++


    ++ ياكينجو .. ياكينجو .. محدش شاف كينجو ياجماعة ؟ كينجو الأسد صاحبي محدش شافه ؟ مشفتهوش يا ( تردد اسماء من الفصل )؟ هو اتأخر كده ليه بس ؟

    ++ ( صوت الأسد )

    ++ اهوه جه ؟ وسع ياجدع لملك الغابة ؟ كينجو صاحبي وصل ؟

    ++ ايه الدوشة اللي انت عاملها دي ياأرنوب ؟ انت مش عارف إن أنا مش بحب الدوشة ( يعمل صوت الأسد ) ؟

    ++ أنا .. أنا آسف ياكينجو ياحبيبي .. بس أنا قلقت عليك خالص لما اتأخرت ، وإيه ده .. إيه اللي ملاك تراب كده ؟ ده إنت شعرك كله تراب؟

    ++ أصل ..أصل أنا كنت بحفر في الأرض

    ++ بتحفر ؟ بتحفر ايه ؟
    ++ بحفر قبر
    ++ قبر ؟ قبر مين ؟
    ++ الأنبا بولا
    ++ الأنبا بولا ؟ الأنبا بولا مين ؟
    ( يقال الجزء السابق بنغمة يقترب فيه الأرنب مع كل جملة من وجه الأسد )

    ++ ماتوعي ياعم كده .. انت هاتخش فـ بقي ولاّ ايه ؟

    ++ معلش أنا اسف ياكينجو

    ++ الأنبا بولا ده ياأرنوب قديس عظيم وكان بيحب ربنا خالص ، وكان عايز يعيش معاه في هدوء يصليله ويتكلم معاه على طول ، قعد يفكر .. يفكر .. ايه أكتر مكان هادي ممكن يقعد فيه ... قال آآآه .. مفيش غير الصحرا .. هناك أحسن مكان أقدر أعيش فيه أنا وربنا لوحدينا .

    ++ هه وبعدين ؟

    ++ عاش الأنبا بولا في الصحرا يصلي ويتكلم مع ربنا ويتمشى في الصحرا وهو ساند على عصايته ويرنم ترانيم حلوة وكان جسمه رفيع خالص ودقنه بيضا وطويلة وماكنش بيقابل أي انسان ولا بيتكلم مع أي حد غير ربنا

    ++ بس ايه ده ؟ ده الصحرا مافيهاش أكل .. كان بياكل ازاي .. كان بيشتري أكل منين ؟

    ++ الأنبا بولا ياأرنوب ماكنش بيشتري أي أكل .. لكن كانت بتحصل حاجة غريبة خالص .. أنا كنت براقب مغارة الأنبا بولا من بعيد علشان أشوف هو بيجيب الأكل منين ، لقيته بيقول لربنا يارب أنا مش قلقان خالص ومتأكد ان انت بتحبنى ومهتم بيا وهاتبعتلى الأكل بتاعي .. وفجأة لقيت غراب طاير من بعيد وماسك بمنقاره نص رغيف عيش ، وراح جه عند مغارة الأنبا بولا واداله النص رغيف ، راح الأنبا بولا ضحك وقاله اشكرك ياغراب ياحلو علشان انت بتجيلي كل يوم ومعاك الأكل بتاعي واشكرك يارب لأنك مش ناسيني وبعتللى الغراب ومعاه الأكل بتاعي

    ++ طيب والغراب ده كان بيجيله كل يوم ؟

    ++ كل يوم يا أرنوب ، لكن في يوم من الأيام حصلت حاجة غريبة أوي
    حصل ايه ياكينجو ؟ كمّل ..

    ++ لقيت راهب عجوز أوي بيخبط على باب المغارة بتاعة الأنبا بولا اسمه الأنبا أنطونيوس ودخل عنده وقعدوا يصلوا ويرنموا مع بعض .

    ++ وياترى عملوا ايه في الأكل ؟ النص رغيف اللي كان بيجيبه الغراب كفاهم هما الإتنين ؟

    ++ لا يا أرنوب المرة دي الغراب جابلهم رغيف كامل ، الأنبا بولا نص والأنبا انطونيوس نص

    ++ يعني أنا لو روحت هناك الغراب هايجيب رغيف ومعاه جزر ليّا ؟ أصل أنا بحب الجزر أوي

    ++ لا يا أرنوب خلاص مش هاتلحق لأن الأنبا بولا مات وروحة طلعت فوق السما النهاردة

    ++ ( الأرنب وهو يبكي ويمسك بالأسد ) إيه ده ؟ لأ .. لأ ..ماتقولش كده ، أنا كنت عايز أشوفه .. مش ممكن .. مش ممكن

    ++ اهدا ياأرنوب .. مالك .. ايه اللي حصلك .. ماتعملش كده فى نفسك ، ماهو الأنبا بولا موجود دلوقتى في السما واحنا ممكن نتكلم معاه في أي وقت وهو هيسمعنا

    ++ ( الأرنب وهو مازال يبكي ) آآآه .. كمل .. كمل ياكينجو

    ++ الأنبا انطونيوس كان عايز يدفن جسد الأنبا بولا لكن هو راهب عجوز ومش هيقدر يحفر في الأرض ، قعد يصلي ويقول يارب أنا هاعمل إيه دلوقتي ؟ أنا مش قادر أحفر في الأرض .. فربنا قاللي ياكينجو تروح انت وأخوك بمبة وتساعدوا الأنبا أنطونيوس علشان تحفروا القبر بتاع الأنبا بولا، وأنت عارف طبعاً ان ايديا ورجليا جامدين قد ايه فقعدنا نحفر في الأرض انا وبمبة علشان كده أنا كلي تراب زي ما انت شايف .. هي دي كل الحكاية ياسيدي

    ++ الله يا كينجو يا بختك انك شفت الأنبا بولا والأنبا انطونيوس ... دي حكاية حلوة أوي

    ++ الحكاية حلوة ؟

    ++ آآآه

    ++ بس انت أحلى ياأرنوب وبقيت مقلبظ ولذيذ قوي وأنا بصراحة جعان قوي ولازم آكل دلوقتي .. ياسلام عليك وانت جنبك شوية مخلل

    ++ ( الأرنب وهو يجري ويخرج من المسرح )الحقوني .. الحقوني ياناس ، عيب ياكينجو ده أنا صاحبك وبحبك

    ++ مش هاسيبك تعالى هنا
    +
    +
    التوقيــــع

     


  2. #2
    مشـرفـة ســابقــا
    الصورة الرمزية Ặmϊrặ єl cởmєdiặ

    تاريخ التسجيل
    19-09-2009
    الدولة
    ام الدنيا
    المشاركات
    6,041

    افتراضي رد: قصة الانبا بولا (مسرح عرائس)

    تنشيـــــــــــــط
    التوقيــــع

     


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 0
    آخر مشاركة: 06-07-2012, 10:46 PM
  2. بانوراما الانبا بولا للفنان مايكل يعقوب مع نغمات طوباك يا انبا بولا
    بواسطة abeer hana في المنتدى صـــــور كنائــــــــس
    مشاركات: 0
    آخر مشاركة: 02-07-2012, 11:22 PM
  3. مشاركات: 0
    آخر مشاركة: 29-06-2012, 07:25 PM
  4. قائم مقام البطريركية الارثوذكسية الانبا باخوميوس يهنىء مرسى
    بواسطة عفاف جندي في المنتدى اخبار مسيحية
    مشاركات: 0
    آخر مشاركة: 24-06-2012, 08:38 PM
  5. الانبا موسى : اعتذرت عن الترشح لكرسي البابا 3 مرات لكبر سني
    بواسطة عفاف جندي في المنتدى اخبار مسيحية
    مشاركات: 0
    آخر مشاركة: 04-06-2012, 07:38 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •